नेकपा एमालेको प्रदर्शनका क्रममा सडकपेटीमा हिँडिरहेका एक ज्येष्ठ नागरिकमाथि हातपात गरेको आरोपमा प्रहरीले एक युवकलाई पक्राउ गरेको छ।
पक्राउ पर्नेमा ललितपुरको गोदावरी नगरपालिका–१० टाखेल बस्ने आरबी शर्मा भनिने राम शरण शर्मा बजगाईं रहेका छन्।
प्रहरीका अनुसार एमाले अध्यक्ष तथा पूर्वप्रधानमन्त्री केपी शर्मा ओली पक्राउ परेपछि त्यसको विरोधमा उत्रिएका कार्यकर्ताहरूको प्रदर्शनका क्रममा उक्त घटना भएको हो।
घटना १५ चैतमा पाटन अस्पताल नजिकैको सडकपेटीमा भएको बताइएको छ। त्यहाँ हिँडिरहेका ज्येष्ठ नागरिकमाथि हातपात गरिएको आरोप छ।
घटनामा संलग्न रहेको आरोपमा पक्राउ परेका बजगाईंलाई जिल्ला प्रहरी परिसर ललितपुरको हिरासतमा राखेर अनुसन्धान अघि बढाइएको प्रहरीले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
